კონკუსებში მონაწილეობა

ვარ 28–ე და 29-ე პედაგოგთა სამეცნიერო–პრაქტიკული რესპუბლიკური კონფერენციის მონაწილე, რისთვისაც მიღებული მაქვს - მინისტრის მადლობა /ბრძანება #233 –1996 წ./ და საქართველოს განათლების სამინისტროსა და ი.გოგებაშვილის სახელობის პედაგოგიკურ მეცნიერებათა ეროვნული ინსტიტუტის დიპლომი.

2010-11 წწ-ში ვიყავი მასწავლებლობის მაძიებლობის სახელმწიფო პროგრამის მონაწილე, მენტორი;

2011 წლის 5.10-ს გამოცდების შედეგების მიხედვით, მივიღე საუკეთესო სერტიფიცირებული მასწავლებლის სტატუსი;

2013 წელს გავხდი მასწავლებელთა პირველი ეროვნული კონფერენციის ,,საუკეთესო პედაგოგიური პრაქტიკა ზოგადსაგანმანათლებლო სკოლებში" მონაწილე ინტეგრირებული გაკვეთილით ,,პორტრეტი და ადამიანის საცხოვრებელი გარემო მისი პიროვნების ამოსაცნობად“ (ილია ჭავჭავაძის ,,კაცია ადამიანისა?! ‘’ და ალფონს დოდეს ,,ტარტარენ ტარასკონელის უჩვეულო თავგადასავლის“ ნაწყვეტების მიხედვით) 

ჩემი პრეზენტაცია

 მე და რუსკა გონაშვილი

 მე და ელისო მაწკეპლაძე/გვეტაძე

მოხსენება ინტეგრირებული გაკვეთილი ,,პორტრეტი და ადამიანის საცხოვრებელი გარემო მისი პიროვნების ამოსაცნობად“ (ილია ჭავჭავაძის ,,კაცია ადამიანისა?! ‘’ და ალფონს დოდეს ,,ტარტარენ ტარასკონელის უჩვეულო თავგადასავლის“ ნაწყვეტების მიხედვით)

ანგარიში 

2013 წლის 23-24 დეკემბერს მონაწილეობა მივიღე მასწავლებელთა პროფესიული განვითარების ეროვნული ცენტრის მიერ ორგანიზებულ პირველ ეროვნული  კონფერენციაში.  კონფერენციის სახელწოდება იყო: „საუკეთესო პედაგოგიური პრაქტიკა ზოგადსაგანმანათლებლო სკოლებში“. კონფერენციის მიზანს წარმოადგენდა: პედაგოგთა საუკეთესო გამოცდილების გაზიარება. მასწავლებელთა პროფესიული და პედაგოგიურ - პრაქტიკული კვლევის უნარ- ჩვევების  განვითარება.

კონფერენციაში მონაწილეობის მიღება შეეძლო ზოგადსაგანმანათლებლო საჯარო სკოლის ყველა დაინტერესებულ  პედაგოგს. კონკურსში მონაწილეობა მიიღო 400 -ზე მეტმა პედაგოგმა, ამათგან შეირჩა 107 მასწავლებლის ნამუშევარი. კონფერენციის თემა იყო სხვადასხვა: ინტეგრირებული გაკვეთილი; პროექტ-გაკვეთილი; კვლევაზე/პრობლემაზე   დაფუძნებული სწავლება; ინფორმაციულ-საკომუნიკაციო ტექნოლოგიების გამოყენება სასწავლო პროცესში; საგნობრივი ცოდნის ტრანსფერი ცხოვრებაში; ინოვაციური მეთოდები; საგაკვეთილო პროცესში მოსწავლეთა მოტივაციის ამაღლების ხელშეწყობა;   არაფორმალური განათლების ხელშეწყობა; მშობელთა  და  საზოგადოების  (თემის)  ჩართულობა  და 2011-2016 წლების ეროვნული სასწავლო გეგმით განსაზღვრულ საგნობრივი პროგრამის შინაარსი.

კონფერენცია გაიმართა ჩაქვში სასტუმრო ,,ოაზისში“. მასწავლებლებთან ერთად იყვნენ მოწვეული სტუმრები ბათუმის რუსთაველის სახელმწიფო უნივერსიტეტიდან, ქუთაისის წერეთლის სახელმწიფო უნივერსიტეტიდან. კონფერენცია გახსნა მასწავლებელთა პროფესიული განვითარების ეროვნული ცენტრის დირექტორის მოადგილემ თეა კვინტრაძემ, რომელმაც მისალმების შემდეგ დამსწრე საზოგადოებას ცენტრის ანგარიში გააცნო. პროფესიული განვითარებისა და კარიერული ზრდის სქემის ზოგადი პრნციპები წარმოადგინა გიორგი ხელაძემ, განმავითარებელი შეფასების უპირატესობებზე ისაუბრა ნინო ლაბარტყავამ, ციფრული წიგნიერების შესახებ ისაუბრა და პრეზენტაცია წარმოადგინა ზაქრო გიუნაშვილმა.

დიდი ინტერესი გამოიწვია პრეზენტაციამ პროფესიული განვითარების ახალი სქემის შესახებ, რომელიც ძველი სქემისგან საკმაოდ განსხვავდება. ერთ-ერთი ცვლილებაა მაგ. მდგომარეობს იმაში, რომ იგი სავალდებულო გახდება ყველასათვის, გამოიყოფა მასწავლებელთა 4 კატეგორია: პრაქტიკოსი მასწავლებელი, მე-2 კატეგორია, 1-ლი კატეგორია, უმაღლესი კატეგორია; პრაქტიკოსი მასწავლებელი აგროვებს 13 კრედიტს, მე-2 კატეგორიის მასწავლებელი -24 კრედიტს, 1-ლი კატეგორიის მასწავლებელი- 32 კრედიტს, ხოლო უმაღლესი კატეგორიის მასწავლებელი 40 კრედიტს;  სერტიფიცირებულ მასწავლებლებს ავტომატურად ენიჭებათ მე-2 კატეგორია.

ახალ სქემაში განსხვავებულია ვადებიც. პრაქტიკოს მასწავლებელს მე-2 კატეგორიის მიღება შეეძლებათ 3 წელში,მე-2 დან 1-ლში გადანაცვლება მასწავლებლებს შეეძლებათ 4 წელში, ხოლო 1-ლიდან უმაღლესში -5 წელში.

ძირითადი განსხვავება მდგომარეობს მასწავლებელთ შეფასებაში. შეფასების კომპონენტები იქნება: მასწავლებლის თვითშეფასება, სკოლის შიდაგანმავითარებელი შეფასება და გარეშეფასება. კრედიტები და აქტივობები გახდება მრავალმხრივი და არ დაიკარგება არც ერთი აქტივობა, მასწავლებელს უკვე წლის ბოლოს ეცოდინება თავისი კრედიტების რაოდენობა, პროფესიული საბჭო აირჩევა როტაციის პრინციპით.მასწავლებელს შეეძლება კრედიტები დააგროვოს სხვადასხვა აქტიობებით: ესენია: გაკვეთილი, პროქტი, სსსმ მუშაობა, კვლევა, კლასგარეშე მუშაობა, სადამრიგებლო პროგრამის განხორციელება, სასწავლო რესურსის შექმნა, ტრენინგი, სტაჟირება, საგანმანათლებლო კურსები, კონფერენცია,მენტორობა, პროფესიული ლიტერატურის შექმნა სახელმწიფო პროგრამებში მონაწილეობა. უმაღლესი კატეგორიის მასწავლებლები ავტომატურად ხდებიან მენტორები, ხოლო პირველი კატეგორიის მასწავლებლებს შეეძლებათ მენტორთა პროგრამაში ჩართვა. საინტერესო იყო აგრეთვე ის ნაწილი, რომელიც აქტივობებისთვის მინიჭებულ კრედიტებს განსაზრვრავს. მაგ. პროექტს აქვს 1 კრედიტი, კლასგარეშე აქტივობას- 2, გაკვეთილს - 2, სსსმ მუშაობა- 3 , რეურსების შექმნა - 2, საგნობრივი ტესტი - 5, ტრენინგი - 5, კოლეგებთან ურთიერთობა 2 კრედიტი.

მეორე დღეს საგნობრივი სექციების მიხედვით გაიმართა შეკრებები სხვადასხვა აუდიტორიებში. ქართულის სექციის კოორდინატორი იყო მაია პაპუნაშვილი.

ქართულში წარმოდგენილი იყო სულ 19 პრეზენტაცია.

დალი ბენაშვილი ,,ინტეგრირებული გაკვეთილის შესაძლებლობები და ეფექტურობა“;

მზია ვაშალომიძე ,,როგორ დავგეგმოთ და ჩავატაროთ გაკვეთილები ისტ-ის გამოყენებით;“

რუსუდან გონაშვილი ,,როგორ დავგეგმე და განვახორციელემოსავლეებთან ერთად პროექტები ,,დედოფლისწყარო’’ და ჩემს კუთხეში გავრცელებული ქართული ენის დიალექტები;’’

რუსუდან ნათენაძე ,,წიგნი -ჩვენი საუკეთესო მეგობარი“;

ეკა ცხადაია ,,პროექტ-გაკვეთილი ,,საქარტველოს გასაბჭოება და მისი შედეგები“;

ნინო ბერიკაშვილი, ლეილამ ბერიკაშვილი ინტეგრირებული გაკვეთილი ,,ადამიანის უფლებათა საფუძველი- ღირსება და სიცოცხლის უფლება“ ილია ჭავჭავაძის მოთხრობის ,,სახრჩობელაზედ“ მიხედვით.

ნანა ჩიტორელიძე ინტეგრირებული გაკვეთილი ,,მარადისობის რღვევა“;

მარინა ხარაული ,,ინფორმაციულ-საკომუნიკაციო ტექნოლოგიების გამოყენება სასწავლო პროცესში“;

მზია ეგიაშვილი პროექტ-გაკვეთილი ,, ტაო-კლარჯეთის ისტორიული ძეგლების პოპულარიზაცია, იქ მცხოვრებ ,,ჩვენებურებთან“ დამეგობრება, მათი ყოფისა და ტრადიციების გაცნობა“

ნინო მასურაშვილი პროექტი ,,წამებულიდან წმინდანობამდე“

ხათუნა ღაღანიძე ,,ინოვაციური მეთოდები ქართული ლიტერატურის გაკვეთილზე“

ეკატერინე ყურაშვილი, კვლევაზე დაფუძნებული პროექტი -,,თორნიკე ერისთავი და ათონის მთის საიდუმლო“

ნარგიზ თავართქილაძე, პროექტი ,,ტაო-კლარჯეთში დარცენილი ძეგლები ღაღადებენ“;

ნაზი კოჩალაძე ,,ლიტერატურული ნაწარმოების გაგება-გააზრება ისტ-ის გამოყენებით საბაზო საფეხურზე’’

ელისო მაწკეპლაძე, ასმათ დათიაშვილი , -ინტეგრირებული გაკვეთილი ქართულ და ინგლისურ ენაში ,,ტომ სოიერის თავგადასავალი“

თეონა შერაზადიშვილი,,მე, შენ, ის, გრამატიკა და მოგზაურობა, ანუ გაკვეთილი, რომელიც პროდუქტად იქცა“

ირმა პატარიძე, ინტეგრირებული გაკვეთილი ,,ლიტერატურაში გაცოცხლებული ისტორია“

ნესტან კუბლაშვილი ,,საგნობრივი ცოდნის ტრანსფერი ცხოვრებაში. პროექტი ,,მწერლობანა“;

ძალიან საინტერესო იყო ლალი ბენაშვილის,,ინტეგრირებული გაკვეთილის შესაძლებლობები და ეფექტურობა“; მასწავლებელმა წარმოადგინა ელექტრონული ტესტები, პერსონაჟის ხატვა ტექსტიდან ამოკრებილი ინფორმაციის საფუძველზე, თამაში- ნადირობა, მათემატიკური ამოცანები ,,ვეფხისტყაოსანში“. ქ-ნი ლალი ბენაშვილი რუსთავის 25-ე სკოლის ქართული ენისა და ლიტერატურის მასწავლებელია, იგი გახლავთ ელექტრონული თამაშის ,,აბო თბილელის წამების“ავტორი, რომელიც განთავსებულია buki.ge-ზე.საინტერესო იყო რუსა გონაშვილის პროექტები ,,დედოფლისწყარო’’ და ,,ქარტული ენის დიალექტები ჩვენს კუთხეში’’. აღსანიშნავია, რომ რუსა გონაშვილი ხორნაბუჯის სკოლის მასწვლებელია, რომლის პროექტმაც გაიმარჯვა

აღნიშნულ კონფერენციაში მონაწილეობა მივიღე ინტეგრირებული გაკვეთილით ,,პორტრეტი და ადამიანის საცხოვრებელი გარემო მისი პიროვნების ამოსაცნობად“ (ილია ჭავჭავაძის ,,კაცია ადამიანისა?! ‘’ და ალფონს დოდეს ,,ტარტარენ ტარასკონელის უჩვეულო თავგადასავლის“ ნაწყვეტების მიხედვით)

მასწავლებლებმა ერთმანეთს გაუზიარეს საკუთარი გამოცდილება და განიხილეს წარმატებული პრაქტიკა. კონფერენციის შედეგად მიღებული ინფორმაცია მასწავლებლებს დაეხმარებათ საგაკვეთილო პროცესის უკეთ წარმართვაში და სწავლა/სწავლების ხარისხის გაუმჯობესებაში.

2014 წელს გავხდი მასწავლებელთა მეორე ეროვნული კონფერენციის ,,საუკეთესო პედაგოგიური პრაქტიკა ზოგადსაგანმანათლებლო სკოლებში" მონაწილე

ინტეგრირებული გაკვეთილით ,,ქართლის ბედი გუშინ და დღეს"

2016 წელს 10 -11 დეკემბერი - გავხდი მასწავლებეთა მე-4 ეროვნული კონფერენციის მომხსენებელი თემით ,, პედაგოგიური პრაქტიკის კვლევა

,,მოსწავლეთა ჩართულობის გაზრდა და ცოდნის დონის ამაღლება ძველი ქართული ლიტერატურის სწავლებისას“